100% íslensk framleiðsla

Þegar við vorum með opið hús í lok mars síðastliðnum kom Svavar Halldórsson fulltrúi Icelandic Lamb í heimsókn. Hann flutti nokkur hvatningarorð og færði okkur skjöldinn sem staðfestir að við séum að framleiða vörur úr íslenskum sauðfjárafurðum.
Skjöldurinn var hengdur upp strax um kvöldið og þykir okkur heiður að vera þátttakendur í að efla stöðu sauðfjárafurða á markaði og þannig auka virðingu fyrir sauðkindinni.
Takk Svavar fyrir skjöldinn og hvatningarorðin.

Ljósmynd: Icelandic Lamb

Opið hús – allir velkomnir

Okkur langar að bjóða á opið hús í verksmiðjuna okkar í Lækjartúni,
laugardaginn 17. mars og/eða sunnudaginn 18. mars næstkomandi.
Opið verður á laugardeginum milli 13:00 og 17:00 og
á sunnudeginum milli 11:00 og 16:00.

Allir hjartanlega velkomnir að skoða garn og fleiri vörur og vélarnar sem búa það til.

Efasemd

Ein af uppáhaldskindunum mínum er Efasemd. Hún var sett á til lífs eftir miklar vangaveltur, því mamma hennar var ekki sérstök afurðaær.
En þvílík kind.
Hún hefur svo mikinn karakter, auk þess að vera betri en mamma hennar á allan hátt.
Hér er hún að sníkja betra hey hjá mér og fær klapp fyrir að vera til.