Fyrir gæludýrið þitt

Eitt markmið okkar er að nýta allt sem til fellur af reyfinu. Ég hef notað hreina ull sem tætist frá í vinnslunni í gæludýrabæli. Sauma púða og fylli af svona ull.
Dýr virðast njóta þess að liggja á þessu.
Um síðustu helgi kom kona sem sagði að hennar köttur vildi aldrei liggja á bælunum sem hún keypti svo ég bauð henni að lána henni bæli og vita hvort hann vilji það og svo mætti hún skila því.
Kötturinn elskar bælið. – Hún ætlar ekki að skila því.

Vefnaður

Ofið stykkið úr einbandi sem var sérstaklega spunnið samkvæmt óskum þess sem óf, Maja Siska @Icelandisfullofwool. Uppsistöður í S – Ívaf í Z. Vorum báðar ánægðar með útkomuna á bandinu og vefnaðurinn er fádæma flottur og efnið mjúkt. Finnst þetta óskaplega spennandi verkefni. Fyrsti vefnaðurinn sem ég sé úr garni frá mér sem er spunnið sérstaklega fyrir verkefnið. Mjög stolt af útkomunni.