Skip to content

Á Blönduósi tók N4 viðtal við mig og forvitnaðist um Uppspuna. Í viðtalinu segi ég m.a.
"Sauðalitirnir eru af kindinni og ég er rosalega oft spurð með þetta svarta; "hvernig færðu þetta svona svart? Hvað gerirðu? Hverju blandarðu í?" Ég blanda engu í. Þessi kind er svona á litinn og þetta er hún Tinna og það veit ég af því þetta er svo lítið hjá mér að ég get tekið eitt reyfi af einni kind og tekið það í gegnum allar vélarnar og haft þetta upprunamerkt og ég vinn þannig fyrir suma bændur..."

Í þessu youtube myndbandi má sjá viðtal sem Kristy Glass tók við mig síðastliðið haust (2019). Hún  kemur frá Bandaríkjunum og heldur úti þáttum um prjónaskap og sýnir þá á Instagram og youtube. Áhorfendur styrkja hana til að ferðast um heiminn og kynna sér sérstakar garn- og ullarvörur. Kíktu á þetta skemmtilega og fróðlega myndband.

 

Nýtt samstarf er hafið. 

Hespa / Hespuhúsið, Þingborg Ullarvinnsla, Skálholt og Uppspuni -Mini Mill hafa sameinast í Ullarhringnum www.thewoollencircle.com

Hliðarhringur sem tengist Gullna hringnum á ótrúlega flottan hátt.  Hægt að skoða ullartengt handverk á þremur stöðum og fara svo í kaffi í Skálholti. Spennandi mjög.

Langar að sýna ykkur tvær gersemar úr garni frá okkur. Annars vegar ofið sjal úr einbandi fyrir dís. Spunnið með nokkuð stífum snúð í sitthvora áttina fyrir uppistöður og ívaf. Guðrún Kolbeins Jónsdóttir litaði garnið og óf.

Hins vegar HARUNI sjal sem Jórunn Eggertsdóttir, tengdamamma prjónaði úr dís sem ég sérlitaði fyrir hana. Hvort öðru fallegra og yndislegra að vera með. Í mínum huga ómetanleg djásn.

Í dag var okkur gefið ljóð. 😊 Spunasystur fengu Hörpu í heimsókn og þegar hún las ljóðið Eddu úr samnefndri bók, féll það svo vel að kringumstæðum og umhverfi að hún gaf okkur það að loknum upplestrinum. 🙂 Fyrir hönd Spunasystra þakka ég þér Harpa Rún. Heiðurinn er mikill. Set hér inn fallega upplesturinn þinn. 


Stephen West kom til okkar í dag. Það var frekar gaman. Sumir fengu stjörnur í augun.
🤩

Kristy Glass youtube stjarna var líka. 😊

 

Dís í haustlitum

Haustið nálgast með uppskeru og huggulegum litatónum. Dísin ætlar að prófa nýja liti í vetur til skreytingar með sauðalitunum. 🥰

Garnhillurnar fyllast af litaðri dís og Huldubandi. Hægt að setja saman ýmsar litasetteringar. 😊

Hvað viltu hanna úr Tröllabandi?

Tröllabandið er ansi skemmtilegt og má nota í ýmislegt. 😊 Um leið og þú færð það í hendurnar langar þig til þess að hanna eitthvað nýtt og spennandi.

 

Dísarpeysa

Nýi liturinn í dísinni kemur vel út í einlitri barnapeysu. Svooo mjúk að mig langar að troða mér í hana. Verð líklega að prjóna eina í fullorðinsstærð. 🥰😮😇

 

Í byrjun júlí fóru kindurnar okkar í ferðalag til fjalla. Þangað fara þær árlega og við sjáum þær aftur í haust.

Við þurfum að keyra ansi langt með þær og það tekur allan daginn að fara, svo það er alltaf ánægjulegt þegar veðrið er gott. Það var svo sannarlega gott þegar þessi ferð var farin í ár. Nú eru allar sem eiga að fara á fjall farnar í sumarsæluna og koma ekki aftur heim fyrr en í haust.

Féð sett á kerrur og vagna.
Tvær hæðir fyrir kindurnar í hestakerrunni.

Fyrst er kindunum sleppt innan girðingar, svo lömbin finni mæður sínar aftur eftir ferðalagið, áður en þær fá að fara út í frelsið.

EnglishIcelandUSA
error: Content is protected !!