Skip to content


Stephen West kom til okkar í dag. Það var frekar gaman. Sumir fengu stjörnur í augun.
🤩

Kristy Glass youtube stjarna var líka. 😊

 

Dís í haustlitum

Haustið nálgast með uppskeru og huggulegum litatónum. Dísin ætlar að prófa nýja liti í vetur til skreytingar með sauðalitunum. 🥰

Garnhillurnar fyllast af litaðri dís og Huldubandi. Hægt að setja saman ýmsar litasetteringar. 😊

Hvað viltu hanna úr Tröllabandi?

Tröllabandið er ansi skemmtilegt og má nota í ýmislegt. 😊 Um leið og þú færð það í hendurnar langar þig til þess að hanna eitthvað nýtt og spennandi.

 

Dísarpeysa

Nýi liturinn í dísinni kemur vel út í einlitri barnapeysu. Svooo mjúk að mig langar að troða mér í hana. Verð líklega að prjóna eina í fullorðinsstærð. 🥰😮😇

 

Í byrjun júlí fóru kindurnar okkar í ferðalag til fjalla. Þangað fara þær árlega og við sjáum þær aftur í haust.

Við þurfum að keyra ansi langt með þær og það tekur allan daginn að fara, svo það er alltaf ánægjulegt þegar veðrið er gott. Það var svo sannarlega gott þegar þessi ferð var farin í ár. Nú eru allar sem eiga að fara á fjall farnar í sumarsæluna og koma ekki aftur heim fyrr en í haust.

Féð sett á kerrur og vagna.
Tvær hæðir fyrir kindurnar í hestakerrunni.

Fyrst er kindunum sleppt innan girðingar, svo lömbin finni mæður sínar aftur eftir ferðalagið, áður en þær fá að fara út í frelsið.

Árlega eru skógarleikar haldnir í Heiðmörk. Uppspuni mætir að sjálfsögðu á svæðið og litar sitt garn yfir opnum eldi. Yndisleg samvera í góðu sumarveðri.

Lúpínulauf.
Kerfill lengst til vinstri, lúpínublóin, birkilauf. Lúpínulauf í pottinum.

Við tökum þátt í ullarviku 2020 með Þingborg Ullarvinnsla. Ég er búin að vinna pakkingar í húfuuppskriftina og það verður bara að segjast að maður slefar yfir litasamsetningunum. Sannkallað konfekt.

Síðastliðinn mánuð hef ég verið á ferð og flugi að kynna garnið mitt ásamt því að búa til yndislega mjúkt ullargarn fyrir bændur. Næstu vikurnar fara svo í uppfærslu á vefnum ásamt vinnu og kynningarstarfi. Alltaf nóg að gera 🙂

Prjónagleði á Blönduósi / Knit festival at Blönduós.
Námskeið í að búa til þæfða inniskó / Felted slippers

IcelandUSA
error: Content is protected !!