Frábærar lyppur í handspunann
Lyppurnar okkar eru gerðar úr 100% íslensk ull. Við veljum ull sem er falleg á litin, hrein og mjúk. Við höfum oftast haft lyppurnar 120 – 150 grömm á hverja 20 metra, en höfum nú byrjað að gera þær þynnri. Þá þarf varla að hugsa á meðan spunnið er af þeim, því þær renna bara í gegnum hendurnar á manni og upp á snælduna á rokknum. Í raun er bara að slaka á og njóta þess að sjá garnið birtast og verða til.
Nokkrar útfærslur af lyppum
Oftast eru þær einlitar og gefa þá bara einn lit í garnið. En við höfum líka haft þær tvílitar og er þá mögulega hægt að gera blandaðan lit úr þeim eða láta hann skiptast á í garninu og gefur það meiri hreyfingu. Svo höfum við stundum sett liti til skiptis, þannig að það eyðist út á milli litatóna og birtast síðan aftur; grátt, svart og grátt í mismunandi styrkleikum og brúnir tónar öðru hvoru. Einnig er hægt að fá þær í fléttum sem rekjast upp þegar spunnið er. Síðast en ekki síst erum við með takmarkað magn af lituðum lyppum sem má nota til að fá garn í mynstur.
Lyppurnar henta vel til að þæfa
Lyppurnar henta líka sérlega vel til að þæfa. Bæði blautþæfingu og nálarþæfingu. Þær eru meðfærilegar til að búa til myndir eða þæfa dýr eða brúður. En annars er það hugmyndaflug hvers og eins sem ræður því hvernig lyppurnar eru best nýttar. Ég hef prófað að prjóna úr þeim og það tókst ágætlega.
Við seljum lyppurnar í pokum og eru 200 grömm í hverjum poka. Verðskrána má finna hér.
