Skip to content

Spjallið

Nágranni minn og vinur Pétur Einarsson hleypti lífi í vörumerkið mitt.

Nú má heyra kindina jarma og vefstólinn spinna. Gaman að því 🙂

  • Gangi öllum vel í þessum sérkennilegu aðstæðum sem eru nú í veröldinni. Ég sendi baráttukveðjur til heilbrigðisstarfsmanna. Þið vinnið þrekvirki þessa dagana.💪👍❤
    Planið var að vera með afmælis-prjónakvöld 19. mars... næsta fimmtudag. En ég held að það muni ekki verða af því. Við stefnum á að halda það við fyrsta tækifæri.

Daði og Gagnamagnið komust áfram í Júróvisjón. 😊🎵🎶🎵 Björg móðir hans tók sér smá frí frá textílkennslunni og vinnur hjá Uppspuna þessa dagana. Í búðinni okkar má finna fallegar keramik vörur eftir hana. En auðvita urðum við að búa til Gagnamagnsgarn sem er fagurgrænt eins og peysan hans Daða 😊 Fyrstu tilraunir komnar á keilu 😊 og ég prjónaði þessa líka fínu gagnamagnsskokka 😀 Áfram Daði!

Hér er smá innlit í fjárhúsið. Lífið er ekki bara garn. Sem betur fer fær maður líka að njóta samvista við þá sem eru uppspretta hráefnisins. 😍😊🐑🐏

Á Blönduósi tók N4 viðtal við mig og forvitnaðist um Uppspuna. Í viðtalinu segi ég m.a.
"Sauðalitirnir eru af kindinni og ég er rosalega oft spurð með þetta svarta; "hvernig færðu þetta svona svart? Hvað gerirðu? Hverju blandarðu í?" Ég blanda engu í. Þessi kind er svona á litinn og þetta er hún Tinna og það veit ég af því þetta er svo lítið hjá mér að ég get tekið eitt reyfi af einni kind og tekið það í gegnum allar vélarnar og haft þetta upprunamerkt og ég vinn þannig fyrir suma bændur..."

Litaði þetta fallega Norðurljósahuldufólksullarband 😇 áður en ég fór með garnkynningu á Norðurlandi. Fékk frábærar viðtökur á fyrsta degi en nú sit ég veðurteppt í Svarfaðadal. Þá er bara að prjóna 🙂

Í þessu youtube myndbandi má sjá viðtal sem Kristy Glass tók við mig síðastliðið haust (2019). Hún  kemur frá Bandaríkjunum og heldur úti þáttum um prjónaskap og sýnir þá á Instagram og youtube. Áhorfendur styrkja hana til að ferðast um heiminn og kynna sér sérstakar garn- og ullarvörur. Kíktu á þetta skemmtilega og fróðlega myndband.

 

EnglishIcelandUSA
error: Content is protected !!