Skip to content

Spjallið

Nýtt samstarf er hafið. 

Hespa / Hespuhúsið, Þingborg Ullarvinnsla, Skálholt og Uppspuni -Mini Mill hafa sameinast í Ullarhringnum www.thewoollencircle.com

Hliðarhringur sem tengist Gullna hringnum á ótrúlega flottan hátt.  Hægt að skoða ullartengt handverk á þremur stöðum og fara svo í kaffi í Skálholti. Spennandi mjög.

Nýtt sokkagarn er að verða tilbúið í sölu. Fínna en dvergasokkarnir og á að heita huldusokkar. Erum að prófa pakkningar og merkingar. Komin með þrjá liti og þrjár mögulegar merkingar. Nú er bara að velja (mhm... 🤔🤔🤔) og setja svo í prentun.

Langar að sýna ykkur tvær gersemar úr garni frá okkur. Annars vegar ofið sjal úr einbandi fyrir dís. Spunnið með nokkuð stífum snúð í sitthvora áttina fyrir uppistöður og ívaf. Guðrún Kolbeins Jónsdóttir litaði garnið og óf.

Hins vegar HARUNI sjal sem Jórunn Eggertsdóttir, tengdamamma prjónaði úr dís sem ég sérlitaði fyrir hana. Hvort öðru fallegra og yndislegra að vera með. Í mínum huga ómetanleg djásn.

Þegar kalt er úti er fátt yndislegra en þykkir og hlýir ullarsokkar. Dvergasokkagarnið hefur algjörlega sannað sig og er mjög vinsælt í endingargóða sokka. Eingöngu ull og ekkert plast til að styrkja, heldur aðferðin við vinnsluna sem gefur styrkinn.
Á nýju ári kemur fínna sokkagarn frá okkur sem mun heita huldusokkar og er jafnþykkt og huldubandið. Það verður spennandi að heyra hvernig fólki líkar við það. 🧦🧦🥾

Í dag var okkur gefið ljóð. 😊 Spunasystur fengu Hörpu í heimsókn og þegar hún las ljóðið Eddu úr samnefndri bók, féll það svo vel að kringumstæðum og umhverfi að hún gaf okkur það að loknum upplestrinum. 🙂 Fyrir hönd Spunasystra þakka ég þér Harpa Rún. Heiðurinn er mikill. Set hér inn fallega upplesturinn þinn. 

Það styttist í jólin og við erum að föndra við jólalitina. Þetta eru litir sem ég litaði í síðustu viku og okkur þykja ansi jólalegir (sá hvíti er að sjálfsögðu náttúrulegur). Tilvaldir í hvers konar jólalega prjónavöru; húfu, kjól, vettlinga, sokka eða einhverjar jólafígúrur.  Hafið samband ef ykkur langar að prjóna úr svona garni í jólagjafir eða til að skreyta. 


Stephen West kom til okkar í dag. Það var frekar gaman. Sumir fengu stjörnur í augun.
🤩

Kristy Glass youtube stjarna var líka. 😊

 

Dís í haustlitum

Haustið nálgast með uppskeru og huggulegum litatónum. Dísin ætlar að prófa nýja liti í vetur til skreytingar með sauðalitunum. 🥰

Garnhillurnar fyllast af litaðri dís og Huldubandi. Hægt að setja saman ýmsar litasetteringar. 😊

Hvað viltu hanna úr Tröllabandi?

Tröllabandið er ansi skemmtilegt og má nota í ýmislegt. 😊 Um leið og þú færð það í hendurnar langar þig til þess að hanna eitthvað nýtt og spennandi.

 

Dísarpeysa

Nýi liturinn í dísinni kemur vel út í einlitri barnapeysu. Svooo mjúk að mig langar að troða mér í hana. Verð líklega að prjóna eina í fullorðinsstærð. 🥰😮😇

 

Haustið nálgast með öllum sínum dásamlegu litum og uppskerutíð. Bráðum fæ ég kindurnar mínar heim af fjall með ullina eins yndislega og hugsast getur. Þá vakna líka alls konar nýjar hugmyndir um hvað væri gaman að gera. Á næstu vikum mun því eitt og annað koma í ljós sem verður í boði í vetur.

Prjónakvöldin verða aftur þriðja fimmtudag í mánuði. Allir velkomnir að koma og prjóna og fá nýjasta kaffispjallið beint í æð.

Nýjar uppskriftir eru í kollinum og pakkningar í ýmis verkefni verða í boði í búðinni okkar.

Opnunartíminn breytist 1. september, en þá verður opið alla daga vikunnar nema sunnudaga. Virka dag frá 9 til 4 og laugardaga 11 til 4.

Fylgist með okkur hér og á Facebook.

IcelandUSA
error: Content is protected !!